एकैदिन २७ हजार संक्रमित थपिँदा भारतमा ८ लाख नाघ्यो कोरोना संक्रमितको संख्या

शनिबार बिहान भारतको स्वास्थ्य मन्त्रालयले दिएको जानकारी अनुसार भारतमा गएको २४ घण्टामा २७ हजार ११४ नयाँ संक्रमित थपिए।

सोही अवधिमा भारतमा ५१९ जनाको मृत्यु भएको पनि बताइएको छ।

यससँगै भारतमा ८ लाख २० हजारभन्दा बढीमा कोरोना संक्रमण पुष्टि भएको छ। संक्रमितमध्ये ५ लाखभन्दा बढी उपचारपछि स्वस्थ बन्दा २२ हजारको मृत्यु भएको छ।

भारत अमेरिका र ब्राजिलपछि कोरोनाले सबैभन्दा बढी ग्रस्त बनेको मुलुक हो। एजेन्सी