युनिकोड
जोन्स हपकिन्स युनिभर्सिटीका अनुसार ब्राजिलमा कोरोना संक्रमितको संख्या ३ लाख ६२ हजार २११ पुगेको छ भने त्यहाँ २२ हजार ६६६ को मृत्यु भइसकेको छ।
कोरोना रोकथाम गर्न नसकेकोमा ब्राजिलका राष्ट्रपति जैर बोल्सोनारोको आलोचना हुँदै आएको छ। बोल्सोनारोले कोरोना भाइरसलाई सामान्य रोग भएको बताउँदै आएका छन्।
उनले कोरोनाविरुद्ध विभिन्न राज्यमा अबलम्ब गरिएको लकडाउन खुला हुनुपर्ने भनेर आन्दोलन समेत गरेका थिए।
बोल्सोनारो कोरोनाविरुद्धको उपाय उल्लंघन गर्दै आएका छन्।
यसबीचमा शनिबार बोल्सोनारो हटडग र चिसो खानका लागि राष्ट्रपतिको कार्यालयबाट सुरक्षाकर्मी सहित बाहिर निस्किएका थिए।
सो क्रममा रुष्ट बनेको भीडले बोल्सोनारोलाई हत्यारा र फोहोर भनेका छन्। यस घटनाको भिडियो पनि सार्वजनिक भएको छ।
बोल्सोनारोले कोरोना नियन्त्रण गर्न कुनै योजना नबनाएको उनीमाथि आरोप लाग्दै आएको समयमा उनलाई भीडले हत्यारा र फोहोर भनेको हो।
यसैबीच ब्राजिलमा गएको २४ घण्टामा १५ हजार ८१३ नयाँ कोरोना संक्रमित थपिएका छन्।
सोही अवधिमा त्यहाँ ६५३ को मत्यु भएको जोन्स हपकिन्स युनिभर्सिटीले जनाएको छ। एजेन्सी
प्रतिक्रिया