दोस्रो विश्व युद्धका क्रममा अमेरिका, फ्रान्स लगायतका मुलुकले बर्लिनमा जर्मनीविरुद्ध बम आक्रमण गर्दा उक्त गोही बर्लिनको चिडियाघरमा थियो।
गोही हिटलरको भएको हल्ला चलेपनि उक्त गोही हिटलरको नभएको बताइएको छ। ८४ वर्षको उमेरमा स्याटर्न नामको गोही मरेको मस्को चिडियाघरले जनाएको छ।
सन् १९३६ मा अमेरिकाको मिस्सिसिपीबाट बर्लिनको चिडियाघरमा स्याटर्न ल्याइएको थियो। सन् १९४३ मा बमले चिडियाघर ध्वस्त हुँदा उक्त गोही त्यहाँबाट भाग्न सफल भएको थियो।
बेलायती सेनाले उक्त गोहीलाई तीन वर्षपछि भेटेर मस्को चिडियाघरलाई उपहार स्वरुप दिएको बीबीसीले जनाएको छ।
सन् १९४६ देखि यस गोहीको विश्वभर चर्चा चलेको थियो। यस गोहीलाई हेर्न पर्यटकहरुको घुँइचो लाग्ने गर्दथ्यो।
मस्को चिडियाघरले स्याटर्नलाई ७४ वर्षसम्म आफ्नो चिडियाघरमा राख्न पाउँदा आफूहरु खुशी भएको प्रतिक्रिया दिएको छ।
प्रतिक्रिया