थप ३०४ सहकारीपीडितलाई दिइयो बचत फिर्ता

समस्याग्रस्त सहकारीका थप ३०४ जना साना बचतकर्ताले रकम फिर्ता पाएका छन्। 

समस्याग्रस्त सहकारी व्यवस्थापन समितिले आज (बुधबार) कृषि सहकारी र शिव शिखर बहुउद्देश्यीय सहकारीका साना बचतकर्ताको बचत फिर्ता गरेको हो।

समितिका अनुसार कृषि सहकारीका ८८ जना र शिव शिखरका थप २ सय १६ जना बचतकर्ताले बचत फिर्ता पाएका हुन्।

यसअघि समितिले कान्तिपुर सहकारीका २१५, शिव शिखरका १५६ र पशुपति सहकारी ७ गरी ३७८ जना साना बचतकर्ताको रकम फिर्ता गरेको थियो।