पहिरो हटाएर मुग्लिन–नारायणगढ सडकखण्डमा सवारीसाधन दुईतर्फी सञ्चालन

मुग्लिन-नारायणगढ सडकखण्डमा झरेको सुक्खा पहिरो हटाइएको छ। सडकखण्डको जलविरेनजिकै नारायणगढतर्फ बिहीबार साँझ ५:१० बजे सुक्खा पहिरो खसेको थियो। पहिरो खस्दा सवारी आवागमन एकतर्फी भएको थियो। 

पहिरो पन्छाएर सवारी आवागमन दुवैतर्फ सुचारु भइसकेको सडक डिभिजन भरतपुरले जनाएको छ। 

'मुग्लिन नारायणगढ सडक खण्डको जलविरे नजिकै नारायणगढतर्फ खसेको सुक्खा पहिरो हटाई सवारी आवागमन दुवैतर्फ सुचारू भैसकेको जानकारी गराउँदछौँ,' सडक डिभिजन भरतपुरले सूचना जारी गर्दै भनेको छ।