युनिकोड
काठमाडौँ उपत्यकामा आज (सोमबार) पनि मौसम बदली र वर्षाको सम्भावना रहेको मौसमविद्ले बताएका छन्।
मौसम पूर्वानुमान महाशाखाका मौसमविद् बिनु महर्जनका अनुसार अहिले बिहान पनि काठमाडौँ उपत्यकाको आकाशमा साधारणतया बादल (कतै कतै मात्र खाली) लागेको छ।
‘एक-दुई घण्टामा बादल घट्दै जान्छ र दिउँसोतिर मौसम खुलेजस्तो हुन्छ, तर फेरि बादल लाग्छ’, उनले सोमबार बिहान नेपालखबरसँग भनिन्, ‘अनि साँझपख मध्यमसम्म वर्षा हुने सम्भावना छ।’
त्यसो त तत्काल पनि कतै कतै फाटफुट पानी पर्ने सम्भावना रहेको पनि उनले बताइन्।
तर वर्षाको बढी सम्भावना साँझ र रातिको समयमा देखिएको छ मौसमविद् महर्जनले भनिन्।
यसैबिच आज बिहान ५:४५ बजे काठमाडौँ उपत्यकाको न्यूनतम तापक्रम २० डिग्री सेल्सियस देखिएको छ। तर यो सुरुवाती मापन भएकाले अहिले बिहान ८:४५ बजे अपडेट गरिन्छ।
‘आज काठमाडौँ उपत्यकामा अधिकतम तापक्रमचाहिँ २९ देखि ३१ डिग्रीसम्म पुग्ने अनुमान गरेका छौँ’ , मौसमविद् महर्जनले भनिन्।
अधिकतम तापक्रम साँझ ५:४५ मापन गरिन्छ।
देशभरको मौसम र वर्षा सम्भावनाबारे भने मौसम महाशाखाले अहिले बिहान ८ बजे अध्यावधिक विस्तृत प्रक्षेपण जारी गर्नेछ।
प्रतिक्रिया