युनिकोड
यस वर्ष ६० हजारभन्दा बढीमा डेङ्गी संक्रमण हुनसक्ने आँकलन गरिएको छ। इपिडिमियोलोजी तथा रोग नियन्त्रण महाशाखाले अन्तरक्रिया कार्यक्रमको आयोजना गर्दै यसबारे जानकारी गराएको हो।
अन्तरक्रिया कार्यक्रममा बोल्दै महाशाखाको किटजन्य शाखाका प्रमुख डा. गोकर्ण दाहालले डेङ्गी फैलने समय आएकोले जति बेला पनि जुनसुकै ठाउँमा यसको संक्रमण तिब्र गतिमा फैलिने हुँदा सचेत हुन आग्रह गरे।
उनकाअनुसार साउनदेखि कात्तिक अन्तिमसम्म अत्यधिक मात्रमा डेङ्गी संक्रमण बढ्ने उच्च जोखिम छ। उनले हालसम्म ७३ जिल्लाबाट १ हजार ६ सयको हारहारीमा डेङ्गी संक्रमण पुष्टि भएको बताए। उनले बिरामीमा लक्षण नदेखिने, डेङ्गी परीक्षण नगर्ने र परीक्षण भएपनि रिपोर्ट नदिने कारणले संक्रमणको तथ्यांक कम देखिएको बताए।
उनले डेङ्गी संक्रमण बढ्ने अनुमान गरी आवयक कार्ययोजना बनाई कार्यान्वयनको चरणमा गइसकेको समेत बताए। उनले डेङ्गी नियन्त्रणका लागि सबैभन्दा ठूलो भूमिका स्थानीय तहको भएको उल्लेख गर्दै स्थानीय तहहरुसँग समेत आवश्यक समन्वय र सहकार्य भइरहेको बताए।
प्रतिक्रिया