कैलालीमा मोटरसाइकल दुर्घटना हुँदा २६ वर्षीय रुद्रको मृत्यु

कैलालीस्थित धनगढी उपमहानगरपालिका-१ सेतोपुलनजिकै सडकमा मोटरसाइकल दुर्घटना हुँदा एक युवकको ज्यान गएको छ। सु प प्र ०१-०१२ प ७९५६ नम्बरको मोटरसाइकल अनियन्त्रित भई मंगलबार राति दुर्घटना हुँदा चालक
जोशीपुर गाँउपालिका-४ बस्ने २६ वर्षीय रूद्र चौधरीको मृत्यु भएको हो।

दुर्घटनामा गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको प्रहरीले जनाएको छ।