युनिकोड
गृह मन्त्रालयले यस वर्ष नेपालीलाई साउदी अरेविया हजमा नपठाउने भएको छ। बुधबार गृहमन्त्री रामबहादुर थापाले साउदीमा हज गर्न जानेलाई अनुमति नदिन निर्देशन दिएका हुन्।
नेपालस्थित साउदी दूतावासले तत्कालका लागि हजको प्रक्रिया रोक्न गृहमन्त्रीलाई आग्रह गरेको थियो।
साउदीले नेपालसहित सबै देशबाट हजमा जानेलाई तत्काल प्रक्रिया अगाडि नबढाउन आग्रह गरेको थियो ।
नेपाल हज कमिटिका सदस्य शमशेर मियाँका अनुसार हरेक वर्ष नेपालबाट १ हजार २ सयदेखि १ हजार ५ सय जनासम्म हजका लागि जाने गरेका छन्।
साउदीमा हरेक वर्ष असार अन्तिम साताबाट सुरु हुने हज ४२ दिनसम्म चल्छ। तर कोरोना भाइरसका कारण यस वर्ष गृह मन्त्रीले प्रक्रिया अगाडी नबढाउन निर्णय गरेका हुन्।
प्रतिक्रिया