युनिकोड
चितवनको मादी क्षेत्रबाट एउटा पाटेबाघ नियन्त्रणमा लिइएको छ।
राष्ट्रिय प्रकृति संरक्षण कोष (एनटीएनसी)का अनुसार आइतबार राति सो पोथी पाटेबाघको उद्धार गरिएको हो।
सो बाघलाई नियन्त्रणमा लिन कोषका प्राविधिकहरू, नेपाली सेना र चितवन राष्ट्रिय निकुञ्ज प्रशासनको संयुक्त टोली खटिएको थियो। बाघलाई डार्ट गरेर सुरक्षितरूपमा नियन्त्रणमा लिइएको हो।
एनटीएनसीका अनुसार सो पाटेबाघ विगत ६ महिनादेखि मानव वस्तीमा छिर्ने र घरपालुवा जनावरको सिकार गर्ने गरेको थियो।
सो बाघलाई अहिले चितवनस्थित खोरमा राखेर निगरानी गरिएको छ। एनटीएनसीका अनुसार चालु आर्थिक वर्षमा तीन वटा बाघलाई उद्धार गरिएको छ।
प्रतिक्रिया