मुग्लिन-नारायणगढ सडकखण्ड आज (बुधबार) र भोलि (बिहीबार) दिउँसो बन्द गरिने भएको छ।
पहिरो रोकथाम गर्ने काम नसकिएकाले यी दुई दिन पनि बिहान ११ बजेदेखि दिउँसो ३ बजेसम्म सडक बन्द गरिने भएको हो। उक्त सडक मंसिर २७ गतेदेखि यसरी नै दिउँसो बन्द गर्ने क्रम जारी छ।
सडक आयोजनाका अनुसार सडकमा ढुंगा झार्ने र पहिरो रोकथामका अन्य काम नसकिएकोले थप दुई दिन दिउँसो सडक बन्द गर्न लागिएको हो।
बिहीबार दिउँसो पनि दिउँसो सडकखण्डमा सवारीसाधन रोकिने नारायणगढ-मुग्लिन सडक आयोजनाका सूचना अधिकारी शिव खनालले जानकारी दिएका छन्।
मुग्लिनबाट नारायणगढतर्फ जाने यात्रुबाहक सवारीसाधन मुग्लिन र बेनिटार तथा मालवाहक गाडी लेवाटार र आँबुखैरहनीमा रोकिने आयोजनाले जनाएको छ।
यस्तै नारायणगढबाट मुग्लिनतर्फ जाने यात्रुवाहक सवारीसाधन पन्ध्रकिलो र मालवाहक सवारीसाधन दासढुङ्गामा रोकिनेछन्।
तर अत्यावश्यक सवारीसाधनलाईे प्रवेश दिइने आयोजनाले जनाएको छ।
प्रतिक्रिया