उदाउँदो सूर्यलाई अर्घ्य दिएर आज छठ पर्वको समापन गरिँदै

आज छठ पर्वको अन्तिम दिन। उदाँउदो सूर्यलाई अर्घ्य दिई आज छठको समापन गरिँदै छ। 

मूल विधि चतुर्थीदेखि सुरु भई षष्ठीका दिन बेलुकी अस्ताउन लागेको र सप्तमीका दिन उदाउँदो सूर्यलाई अर्घ्य दिई पूजाअर्चना गरी यो पर्वको समापन गर्ने परम्परा रहेको छ।

काठमाडौं उपत्यकामा सबैभन्दा धेरै भक्तजन जम्मा भएर छठपूजा गर्ने गौरीघाटलाई पन्डाल, झिलिमिली बत्ती र केराका बोटसहितले सजाइएको छ।  त्यहाँ पुगेर राष्ट्रपति विद्यादेवी भण्डारीलेसमेत आइतबार छठी माताको पूजा आराधना गरेकी छन्।

मधेश प्रदेशको राजधानी जनकपुरधाममा गङ्गासागर, धनुष सागरलगायत नदी/खोला किनार र पोखरीमा बर्तालुहरूले सूर्यलाई अर्घ्य दिएका थिए। केही वर्षअघिसम्म यो पर्व तराईका बासिन्दाले मात्रै मान्दै आएका थिए। तर अहिले पहाडी जिल्ला र उपत्यकामा पनि यो पर्व मनाइन्छ। 

आइतबार अस्ताउँदो सूर्यलाई अर्घ्य दिएका बस्तालुहरुले आज बिहानै उदाउँदो सूर्यलाई अर्घ्य दिएका छन्।