युनिकोड
प्रतिनिधिसभा समानुपातिकतर्फ पनि मत गणना जारी छ। निर्वाचन आयोगले यसको अध्यावधिक गरिरहेको छ।
दिउँसो सवा १ बजेसम्मको तथ्यांकअनुसार पहिलो स्थानमा रहेको नेकपा एमालेले २३ लाख ३४ हजार ३ सय ४५ मत पाएको छ भने दोस्रोमा रहेको नेपाली कांग्रेसले २२ लाख ३७ हजार ४ सय ९१ मत ल्याएको छ। अर्थात् कांग्रेसभन्दा एमाले ९६ हजार ८ सय ४५ मतले अघि छ।
यस्तै तेस्रो स्थानमा रहेको नेकपा माओवादी केन्द्रले अहिलेसम्म ९ लाख ७८ हजार १ सय ४ मत प्राप्त गरेको छ। उसको पछिपछि राष्ट्रिय स्वतन्त्र पार्टी छ। चौथो स्थानमा रहेको उसले यो खबर लेख्दासम्म ९ लाख २८ हजार ८ सय ९९ मत पाएको छ। अर्थात् माओवादी केन्द्र र राष्ट्रिय प्रजातन्त्र पार्टीबीच ४९ हजार २ सय ५ छ।
पाँचौं स्थानमा रहेर राष्ट्रिय प्रजातन्त्र पार्टीले ४ लाख ८८ हजार १ सय ५० मत ल्याएको छ।
प्रतिक्रिया