बाबुरामको टिप्पणी : नाकाबन्दीका कट्टर समर्थक र विरोधीको सालनाल कहाँ जोडियो?

जनता समाजवादी पार्टी (जसपा)का नेता डा.बाबुराम भट्टराईले आफ्नै सहयात्रीहरु ओली सरकारमा सहभागी भएकोमा व्यंग्यात्मक टिप्पणी गरेका छन्।

प्रधानमन्त्री केपी शर्मा ओलीले शुक्रबार जसपाबाट उपप्रधानसहित ८ मन्त्री र दुई राज्यमन्त्री थपेर मन्त्रिपरिषद्मा व्यापक हेरफेर गरेका थिए।

पूर्वप्रधानमन्त्रीसमते रहेका नेता भट्टराईले सामाजिक सञ्जालमार्फत् संविधान जारी हुँदा दीपावली गर्ने र ब्ल्याकआउट गर्नेको अहिले घाँटी जोडिएको भन्दै व्यंग्य गरेका हुन्।

‘यक्ष प्रश्न-संविधान जारी हुँदा दीपावली गर्ने र ब्ल्याकआउट गर्नेको घाँटी कसरी जोडियो?’ भट्टराईले ट्वीटरमा लेखेका छन्, ‘अन्धराष्ट्रवादको नारा दिएर पहाडी मतदाता ठग्ने र क्षेत्रीयतावादका कुरा गरेर मधेसी मतदाता ठग्ने कसरी एकै ठाम? नाकाबन्दीका कट्टर समर्थक र विरोधीको सालनाल कहाँ जोडिएको रहेछ? दुबैको मुकुण्डो उत्रिएन त?’