युनिकोड
कोरोना संक्रमित भएका विवेकशील पार्टीका संस्थापक अध्यक्ष उज्वल थापाको अवस्था जटिल भएपछि भ्यान्टिलेटरमा राखी उपचार सुरु गरिएको छ।
संक्रमणपछि अक्सिजनको तह निकै कम देखिएपछि उनलाई १० दिनदेखि अक्सिजन दिइएको थियो।
बिहीबारबाट उनको अवस्था थप जटिल बनेपछि भ्यान्टिलेटरमा राखिएको डा. विश्व दवाडीले बताएका छन्।
‘पहिले अक्सिजन मास्क लगाएर राखिएको थियो। भ्यान्टिलेटरमा राखिएको २४ घण्टा भयो। भ्यान्टिलेटरमा राखेपछि अवस्था स्थिर छ,’ दवाडीले भने, ‘धेरै चिकित्सकहरुसँग परामर्श गरेर उहाँको उपचारको काम भैरहेको छ। अवस्था जटिल बनेपछि बिहीबार भ्याक्टिलेटरमा राखिएको हो।’
थापाको ग्रान्डी अस्पतालमा उपचार भइरहेको दवाडीले बताए।
शुरुमा ह्याम्स अस्पताल र त्यसपछि नेपाली सेनाको अस्पताल राखिएको थियो।
अहिले ग्रान्डी अस्पतालमा उपचार जारी रहेको दवाडीले बताए।
अहिले विभिन्न व्यक्तिहरुले उनको स्वास्थ्य लाभको कामना गरी सामाजिक सञ्जालमा शुभकामना दिइरहेका देखिन्छन्।
— Milan Pandey (@MilanPandey) May 28, 2021हामी सबैको धेरै धेरै माया, हामी सबैको धेरै धेरै प्रार्थना हजुरसङ छ @ujwalthapa दाइ।
तपाईँको नेतृत्व हामीलाई खाँचो छ। देशलाई खाँचो छ।
छिट्टै निको हुनुहोला।
उज्वल दाइको स्वस्थ्य उपचारको लागी आर्थिक सहयोग गर्नको लागी-https://t.co/66aMhVdA3E pic.twitter.com/8tQdRBh8vf
प्रतिक्रिया