युनिकोड
नेकपा एमालेका नेता विष्णु रिजाललाई कोरोना संक्रमण भएको छ।
नेता रिजाल आफैंले मंगलबार सामाजिक सञ्जालमार्फत आफूलाई कोरोना संक्रमण पुष्टि भएको जानकारी दिएका हुन्।
गत आइतबार मात्र उनी प्रधानमन्त्री एवं अध्यक्ष केपी शर्मा ओलीसहितको सहभागितामा भएको एमाले महाधिवेशन आयोजक कमिटीको बैठकमा सहभागी भएका थिए।
आफ्नो सम्पर्कमा आएकाहरूलाई कोरोनाको तुरुन्त परीक्षण गराउन नेता रिजालले आग्रह गरेका छन्।
‘आज गरेको स्वाब परीक्षणबाट ममा कोभिड–१९ पोजेटिभ देखिएको छ। सामान्य लक्षणसहित घरमै बसेको छु,’ नेता रिजालले भनेका छन्, ‘यसबीचमा मेरो सम्पर्कमा आउनुभएका महानुभावहरूलाई शीघ्र परीक्षण गराउन र आवश्यक सावधानी अपनाउन अनुरोध गर्दछु।’
प्रतिक्रिया