युनिकोड
चीनको विदेशमन्त्रालयका अनुसार लुनार नयाँ वर्षको पूर्वसन्ध्यामा बाइडेन र सीबीच कुराकानी भएको हो।
एससीएमपीका अनुसार बिहीबार सीले टेलिफोन कुराकानीमा अमेरिका र चीनबीचको टकरावले ठूलो दुर्घटना निम्तिने बताएका छन्।
यस टेलिफोनवार्तालाई अमेरिका र चीनबीच चारवर्ष बिग्रिएको सम्बन्धलाई सुमधुर बनाउने प्रयासको रुपमा हेरिएको छ। ट्रम्प प्रशासनका बेला अमेरिका र चीनको सम्बन्ध निकै चिसिएको थियो।
चीनको विदेशमन्त्रालयका अनुसार बाइडेनले व्यापार, मावअधिकार तथा इन्डो–प्यासिफिकको विषयमा जोड दिएका थिए।
उत्तरमा सीले ताइवान, हङकङ र सिनजियाङको विषय आन्तरिक मामिला भएको प्रस्ट पारेका थिए।
चिनियाँ समाचार संस्था सिन्ह्वाका अनुसार सीले बाइडेनसँग भनेका छन्,‘सहकार्य मात्र दुई देशको उत्तम छनौट हुनेछ। सहकार्य र आपसी सद्भावले दुई देश र विश्वलाई ठूला चीजहरू सम्पन्न गर्न मद्दत पुर्याउँछ, जबकि द्वन्द्व निश्चय नै विपत्ति हो।’
चीन र अमेरिकी विदेशमन्त्रालयको विज्ञप्तीमा दुई देशबीचको वार्ता पुनः सुचारु हुने विषय उल्लेख गरिएको छ।
यो पनिः राष्ट्रपति बनेपछि पहिलोपटक चिनियाँ समकक्षीसँग कुरा गरे बाइडेनले, चिन्ता प्रकट गरे
प्रतिक्रिया