युनिकोड
सत्तारूढ नेपाल कम्युनिस्ट पार्टी (नेकपा) का दुई पक्षले आज (मंगलबार) अलग-अलग केन्द्रीय बैठक राख्दैछन्।
प्रधानमन्त्रीसमेत रहेका अध्यक्ष केपी शर्मा ओलीले अहिले बिहान ९ बजे बालुवाटारमा केन्द्रीय बैठक राख्दैछन् भने कार्यकारी अध्यक्ष प्रचण्ड एवं वरिष्ठ नेता माधवकुमार नेपाल पक्षकाे बैठक दिउँसो १ बजे बस्ने भएकाे हाे।
प्रधानमन्त्री ओलीले राष्ट्रपति विद्यादेवी भण्डारीमार्फत आइतबार अचानक संसद् भंग गराई वैशाख १७ र २७ प्रतिनिधिसभाकाे चुनाव गर्ने घाेषणा गरेपछि दुई पक्ष आआफ्ना रणनीति निर्माणमा लागेका हुन्।
प्रचण्ड-नेपाल पक्षले आइतबार बसेको स्थायी कमिटी बैठकको निर्णयअनुसार बबरमहलस्थित कार्की ब्यांक्वेटमा दिउँसो १ बजेका लागि केन्द्रीय कमिटी बैठक बोलाएको हो भने ओलीले त्यसअघि बिहान ९ बजे नै प्रधानमन्त्रीको सरकारी निवास बालुवाटारमा केन्द्रीय कमिटी बैठक आह्वान गरेका हुन्।
विस्तृत विवरणका लागि :
ओली र प्रचण्डले एकअर्कालाई कारबाही गर्दै, ३२ महिनामै फुट्यो नेकपा
प्रतिक्रिया