युनिकोड
नेपाली कांग्रेसको केन्द्रीय कार्यसमितिको बैठक कात्तिक २१ गते बस्ने भएको छ।
पार्टीका मुख्य सचिव कृष्णप्रसाद पौडेलले बिहीबार विज्ञप्ति जारी गर्दै कांग्रेस केन्द्रीय कार्यसमितिको बैठक आगामी कात्तिक २१ गते सानेपास्थित केन्द्रीय कार्यालयमा बस्ने जानकारी दिएका हुन्।
उक्त बैठक पार्टीको आगामी १४औं महाधिवेशनको तयारीका बारेमा केन्द्रित रहने पनि मुख्य सचिव पौडेलले विज्ञप्तिमार्फत जनाएका छन।
यसअघि असोज १९ गतेका लागि बोलाइएको बैठकअघि केही केन्द्रीय सदस्यहरुमा कोरोना संक्रमण देखिएपछि स्थगित भएको थियो।
यस्तै असोज २५ गते दोस्रो पटक बैठक बोलाइए पनि पार्टीका पूर्व कोषाध्याक्ष रामबाबु प्रसाईंको निधन भएपछि स्थगित भएको थियो।
प्रतिक्रिया