युनिकोड
साझा पार्टीकी केन्द्रीय सदस्य मानवी पौडेलेले साधारण सदस्यसमेत नरहने गरी पार्टी परित्याग गरेकी छन्।
शुक्रबार बिहान ट्विट गर्दै पौडेलले पार्टी छाडेको घोषणा गरेकी हुन्।
— Manavi Paudel (@ManaviPaudel) October 9, 2020साझा पार्टीको केन्द्रीय सदस्य र साधारण सदस्यबाट अलग हुने निर्णय गरेको छु। पार्टीको संस्थापन काल देखिको राजनीतिक यात्रा मेरो जीवनको अविस्मरणीय कालखण्ड रहने छ। पार्टीमा रहँदाका सदस्य, सहकर्मी साथिहरू र अग्रज नेताहरू सबैमा सहयोग र मार्गनिर्देशका लागि हार्दिक आभार व्यक्त गर्दछु। pic.twitter.com/UPtIpoPydJ
पछिल्लो समय पौडेल पार्टी गतिविधिमा सक्रिय थिइनन्।
‘पौडेलजीले हिजै पार्टीका संयोजक (रवीन्द्र मिश्र)लाई यस विषयमा जानकारी गराउनुभएको थियो,’ साझा पार्टीका एक नेताले नेपालखबरसँग भने, ‘सुरुमा पार्टी निर्माणको चरणमा निकै सक्रिय हुनुहुन्थ्यो। अहिले त्यो घट्दै गएको थियो।’
पार्टी परित्याग गरेका विषयमा प्रतिक्रिया बुझ्न नेपालखबरले फोन गर्दा पौडेल सम्पर्कमा आउन चाहिनन्। साझा पार्टीमा हुँदा पौडेलको राजनीतिक निकटता सूर्यराज आचार्य र मुमाराम खनालसँग बढी थियो। आचार्य र खनालले यसअघि नै साझा पार्टी छाडिसकेका छन्।
खनाल नयाँ वैकल्पिक राजनीतिकको अभियान थाल्ने तयारीमा रहेको बताइएको छ।
यसैबीच साझा पार्टीका अर्को केन्द्रीय सदस्य सिद्दी अर्यालले पनि केन्द्रीय सदस्य छाडेकी छन्। उनले चीनमा बस्नुपर्ने भएकाले नेपालको राजनीतिमा सक्रिय हुन नसक्ने जानकारी संयोजक मिश्रलाई गराएको बुझिएको छ।
प्रतिक्रिया