प्रधानमन्त्री एवं सत्तारुढ दल नेपाल कम्युनिस्ट पार्टी (नेकपा) का अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीचको वार्ता सकिएको छ।
बुधबार साँझ पौने ५ बजेदेखि पौने ७ बजेसम्म गरी दुई घण्टा प्रधानमन्त्री निवास बालुवाटारमा दुई अध्यक्षबीच वार्ता भएको प्रचण्डका प्रेस सहयोगी विष्णु सापकोटा जुगलले जानकारी दिए।
पार्टीभित्र देखिएको विवाद उत्कर्षमा पुगेपछि समाधानका लागि दुई अध्यक्ष विगत केही दिनदेखि निरन्तर वार्तामा छन्। आजको वार्ता पनि त्यसैको निरन्तरता भएको प्रेस सहयोगी सापकोटाले बताए।
‘दुई अध्यक्षबीच दुई घण्टा छलफल भयो’, सापकोटाले नेपालखबरसँग भने, ‘आज पनि उहाँहरुले एक्ला–एक्लै वातौ गर्नुभएको हो।
यही असार १० गतेदेखि बसेको पार्टी स्थायी समितिको बैठकमा प्रधानमन्त्री ओलीको चर्को आलोचना हुनुका साथै प्रधानमन्त्री र अध्यक्षबाट राजीनामा दिनुपर्ने माग उठेपछि नेकपा फुटको संघारमा पुगेको छ।
विवाद समाधानका लागि भन्दै प्रधानमन्त्री ओली र प्रचण्ड–नेपाल समूहका विभिन्न तहका नेताहरुबीच पटक–पटक छलफल हुँदै आए पनि कुनै सहमति भएको छैन।
अध्यक्ष ओली र प्रचण्डबीचमा पटकपटक भएको छलफल पनि कुनै सहमतिमा पुग्न सकेको छैन।
अध्यक्षहरु ओली र प्रचण्डबीचमा पटकपटक भएको छलफल पनि कुनै सहमतिमा पुग्न सकेको छैन।
प्रतिक्रिया