संसद अधिवेशन अन्त्य गरिएकोप्रति राणाको असन्तुष्टि, राष्ट्रपतिको भूमिकामाथि उठाए प्रश्न

राष्ट्रिय प्रजातन्त्र पार्टी (राप्रपा) का अध्यक्ष पशुपति शमशेर राणाले हठात् संसद अधिवेशन अन्त्य गरिएकोप्रति असन्तुष्टि जनाएका छन्।

शुक्रबार ट्विट गर्दै अध्यक्ष राणाले राष्ट्रपति दलगत र गुटगत साँठगाँठबाट माथि उठ्न नसकेको आरोप पनि लगाएका छन्।

‘संसद अधिवेशन हठात अन्त्य भएसँगै राष्ट्रपतिको पक्षपाती भूमिका सर्वत्र आलोचित छ। संविधानको परिकल्पना विपरीत दलीय र गुटगत राजनीतिक साँठगाँठ पटक–पटक देखा परेको आमसत्य हो’ उनले लेखेका छन्।

राष्ट्रपतिको पक्षपाती भूमिका संविधानको परिकल्पना विपरीत रहेकोले दलभन्दा माथि रहने राष्ट्राध्यक्षको महत्व र सान्दर्भिकता उजागर भएको राणाले दाबी गरेका छन् ।