युनिकोड
सिनो–इन्डिया बोर्डरमा चीनले हालै विकास गरेको हेलिकप्टर ड्रोन तैनाथ गर्नसक्ने ग्लोबल टाइम्सले जनाएको छ।
सिमानामा चिनियाँ सेनाले कडाइ गरिरहेको समयमा हालै हेलिकप्टर ड्रोन एआर५००सीको परीक्षण गरिएको थियो।
आवश्यक परेको खण्डमा ड्रोनबाट मिसाइल आक्रमण तथा गोलाबारी गर्न सकिन्छ।
भारतीय सेनाले गालवान भ्याली क्षेत्रमा गतिविधि बढाएपछि आफूहरुले सिमानामा कडाइ गरेको चीनले बताएको छ।
भारतले भने आफ्नो भूमि लद्दाख र सिक्किमका क्षेत्रमा चीनले गतिविधि बढाएको आरोप लगाइरहेको छ।
केही समय अगाडिमात्र लद्दाख र सिक्किमको सिमानामा भारतीय र चिनियाँ सेनाबीच झडप भएको थियो।
त्यसबेला दुवैै देशका सेना घाइते भएका थिए। चीन र भारतको सिमानामा अवस्थित विवादित भूभागको विषयलाई लिएर दुवैदेशका सेनाबीच दोहोरिदै झडप हुने गरेको छ। हिन्दुस्तान टाइम्स
प्रतिक्रिया