अझै तीन निर्वाचन क्षेत्रका मतपेटिका संकलन गर्न बाँकी

प्रतिनिधि सभाको निर्वाचनअन्तर्गत अधिकांश क्षेत्रमा मतगणना भइरहँदा हिमाली तथा पहाडी भेगका तीन क्षेत्रको भने मतपेटिका संकलन गर्न नै बाँकी रहेको छ। 

निर्वाचन आयोगका अनुसार, गोरखा निर्वाचन क्षेत्र नम्बर १ मा मतपेटिका संकलन गर्न बाँकी छ। यहाँका १४ वटा मतस्थलबाट मतपेटिका संकलन भइसकेको छैन। 

त्यस्तै, कोशी प्रदेशको संखुवासभामा पनि मतपेटिका संकलन गर्न बाँकी रहेको छ। दुर्गम क्षेत्रबाट मतपेटिका ढुवानी गर्न समय लागेको निर्वाचन अधिकृतको कार्यालयले जनाएको छ। 

त्यस्तै, कर्णाली प्रदेशको मुगुमा पनि सबै मतपेटिका संकलन भइसकेका छन्। दुर्गम क्षेत्रका मतदानस्थलबाट मतपेटिका संकलन भइरहेको मुख्य निर्वाचन अधिकृतको कार्यालयले जनाएको छ।