युनिकोड
नेपाली कम्युनिस्ट पार्टीका संयोजक पुष्पकमल दाहाल प्रचण्डले रुकुमपूर्वका सबैजसो मतदान केन्द्रमा पुग्ने भएका छन्।
चितवन क्षेत्र नम्बर ३ अन्तर्गत भरतपुर–१४ स्थित नेपाल प्रहरी स्कुल शान्तिपुर मतदान केन्द्रबाट मत खसालेर रुकुमपूर्व पुगेका उनले केही केन्द्र अवलोकन गरिसकेको केन्द्रीय सदस्य सुवोध शेर्पालीले जानकारी दिए।
बिहान साढे ७ बजेदेखि सुरु भएको मतदान साँझ ५ बजेसम्म जारी रहन्छ।
‘मतदानको अवधिभर सम्भव भएसम्मका मतदान केन्द्र पुग्ने गरी कार्यक्रम बनाएका छौँ’, उनले नेपालखबरसँग भने।
अघिल्लो पटक गोरखा २ बाट चुनाव जितेका प्रचण्डले यसपटक जनयुद्धको आधार इलाका भनेर चिनिने रुकुमपूर्वबाट उम्मेदवारी दिएका हुन्।
उनी प्रचारप्रसारका क्रममा लामो समय रुकुमपूर्वका विभिन्न ठाउँ पैदल हिडेरै पुगेको शेर्पालीले जानकारी दिए।
प्रतिक्रिया