युनिकोड
आगामी प्रतिनिधि सभा निर्वाचनका लागि भक्तपुर निर्वाचन क्षेत्र नम्बर २ बाट नेकपा एमालेले सचिव महेश बस्नेतको नाम एकल सिफारिस गरेको छ।
बस्नेत २०७४ सालको प्रतिनिधि सभा निर्वाचनमा सोही क्षेत्रबाट विजयी भएका थिए भने २०७९ को निर्वाचनमा भने उनी कांग्रेस-माओवादी गठबन्धनसँग पराजित भएका थिए।
जेनजी आन्दोलनका बेला राजनीतिक मैदानमा उत्रिएर प्रतिवाद गरेका बस्नेत एघारौँ महाधिवेशनबाट सचिव चुनिन सफल भएका हुन्।
यस्तै काभ्रे निर्वाचन क्षेत्र नम्बर २ बाट एमालेले नेता गोकुल बास्कोटाको नाम पनि एकल सिफारिस गरेको छ।
हाल एमालेका केन्द्रीय सदस्य बास्कोटा २०७४ र २०७९ सालका चुनावमा पनि त्यही निर्वाचन क्षेत्रबाट विजयी भएका थिए।
एकल नाम सिफारिस भएकाले ती निर्वाचन क्षेत्रबाट बस्नेत र बास्कोटाले नै चुनाव लड्ने करिब निश्चित भएको छ।
तथापि अन्तिम निर्णय भने पार्टी केन्द्रले गर्ने छ।
आगामी फागुन २१ गते प्रतिनिधि सभा सदस्य निर्वाचन हुँदै छ।
प्रतिक्रिया