युनिकोड
सरकार र नागरिक बचाउ अभियानका संयोजक एवं व्यवसायी दुर्गा प्रसाईंको समूहबीच सिंहदरबारमा वार्ता जारी छ।
आज बुधबार सिंहदरबारस्थित गृहमन्त्रालयमा प्रसाईंको अभियानका प्रतिनिधिसँग सरकारले छलफल गरेको हो।
छलफलमा प्रसाईं भने गएका छैनन्। उनले अभियानको तर्फबाट संगठन विभाग प्रमुख तिजेन्द्रप्रसाद रायमझी, अभियानका प्रवक्ता माधवप्रसाद खतिवडा र देवीप्रसाद संग्रौलालगायतलाई पठाएका छन्।
प्रसाईंले मंसिर ७ गतेबाट देशभर आन्दोलन गर्ने घोषणा गरेका छन्। यसपटक आन्दोलन गर्न प्रसाईंले नेपाली काँग्रेस विपीसँग सहकार्य गरेका छन्।
प्रसाईं पछिल्लो समय काठमाडौँ महानगरभित्र रहेका विभिन्न सुकुम्वासी बस्तीमा घरदैलो गर्दै काठमाडौँ महानगर र महानगरका मेयर बालेन्द्र शाहविरुद्ध उत्रिन उक्साइरहेका छन्।
प्रतिक्रिया