प्रधानमन्त्रीको शपथसम्म मेरो मोबाइल सेनाले ‘सिज’ गरेको थियो: केपी ओली

नेकपा एमालेका अध्यक्ष केपी शर्मा ओलीले भदौ २७ गते सुशीला कार्कीले प्रधानमन्त्रीको शपथ लिनुअघिसम्म आफ्नो मोबाइल सेनाले सिज गरेको राखेको जानकारी दिएका छन्।   

आइतबार पत्रकारहरूसँग कुरा गर्दै यसबारे जानकारी दिएका हुन्। 

'राजीनामा दिएपछि म सेनाको सुरक्षामा रहेँ। सेनाको सुरक्षाभित्रै, तपाईंहरूले त्यसलाई जे सुकै विशेषण दिन सक्नुहुन्छ,' उनले भने, 'म सेनाको सुरक्षामा थिए। प्रधानमन्त्रीको शपथ ग्रहण समारोहभन्दा अगाडिसम्म मोबाइल लिन पाएको थिइनँ। मोबाइल सिज गरिएको थियो।'
 
भदौ २३ र २४ गते जेनजी आन्दोलन भएपछि ओलीले पदबाट राजीनामा दिएका थिए। त्यसपछि कार्की नेतृत्वको अन्तरिम सरकार बनेको ह‍ो।