युनिकोड
प्रधानमन्त्री केपी शर्मा ओलीको सल्लाहकार टिममाथि सत्तासाझेदार नेपाली कांग्रेसकै सांसदले प्रश्न उठाएका छन्। बिहीबारको प्रतिनिधिसभाको बैठकलाई सम्बोधन गर्दै कांग्रेस सांसद रामहरि खतिवडाले प्रधानमन्त्रीको सल्लाहकार टिममाथि प्रश्न उठाएका हुन्।
सल्लाहकार राखेर राज्यको अर्बौ रकम खर्चिएकोमा उनले प्रधानमन्त्रीमाथि प्रश्न गरे। देशको आर्थिक अवस्था कमजोर भएको थाहा हुँदाहुँदै पनि खर्च गर्ने गरिएको भन्दै उनले आपत्ति जनाए।
खतिवडाले सल्लाहकार राखेर उनीहरूको नाममा पारिश्रम र सुविधाको नाममा भएको खर्चमा प्रश्न उठाउँदै उनले थप भने, 'कतिपय सल्लाहकार मन्त्रीस्तरीय, कतिपय सल्लाहकारहरू राज्यमन्त्र स्तरीय, कतिपय सल्लाहकारहरू हिजो मन्त्री भएर फेरि काहीँ ठाउँ नपाएपछि सल्लाहरको रुपमा सत्ताको वरिपरी बस्नको लागि नियुक्ति भएका छन्।'
सल्लाहकारलाई संविधानले नचिन्ने तर बिचौलियाले चिनेको सल्लाहकार राख्दा उनीहरूले कस्तो सल्लाह दिन्छन् भन्ने प्रश्न उठेको खतिवडाको भनाइ छ।
त्यस्तै उनले प्रदेशमा एक मुख्यमन्त्री र चारमन्त्रीमात्रै भए पुग्ने गरी संविधान संशोधन गर्न पनि प्रस्ताव गरे।
प्रतिक्रिया