युनिकोड
काठमाडौँका निधेषधित क्षेत्रकेन्द्रित प्रदर्शन गर्ने घोषणा गरेको राष्ट्रिय प्रजातन्त्र पार्टी (राप्रपा)ले त्यसलाई परिवर्तन गर्दै एकै ठाउँमा केन्द्रित हुने भएको छ।
उपाध्यक्ष बुद्धिमान तामाङले सबै बिजुलीबजार क्षेत्रमा केन्द्रित भएर प्रदर्शन गरिने जानकारी दिए।
राप्रपाका प्रवक्ता मोहन श्रेष्ठले पनि अब प्रदर्शन बिजुलीबजार–बानेश्वर क्षेत्र केन्द्रित हुने बताए। ‘सबै नेता कार्यकर्ता बिजुली बजार क्षेत्रमा जम्मा भएर बानेश्वरको एभरेष्ट होटेलतर्फ जम्मा हुन्छौं,’ उनले भने।
यसअघि राप्रपा अध्यक्ष राजेन्द्र लिङ्देनले सीमा तोक्ने सरकारी निरङ्कुशतन्त्रको विरुद्धको आफूहरुको प्रदर्शन प्रतिकात्मक र शान्तिपूर्ण हुने बताएका थिए।
गत चैत १५ गतेको हिंसात्मक घटनामा संलग्न भइ पक्राउ परेका नेताहरुको रिहाइका लागि राप्रपाले आजको प्रदर्शन आयोजना गरेको बताएको छ।
प्रतिक्रिया