युनिकोड
नेकपाले आज जनकपुरमा मधेस प्रदेशस्तरीय प्रशिक्षण तथा एकता सभा कार्यक्रम गर्दैछ।
प्रदेश राजधानी जनकपुरधामस्थित महेन्द्र नारायण निधि सांस्कृतिक भवनमा हुने कार्यक्रममा नेकपाका संयोजक तथा पूर्वप्रधानमन्त्री पुष्पकमल दाहाल प्रचण्ड, सहसंयोजक तथा पूर्वप्रधानमन्त्री माधव कुमार नेपाल, नेता नारायणकाजी श्रेष्ठ लगायतले प्रशिक्षण दिनेछन्।
केहीबेरपछि सुरु हुने कार्यक्रममा सहभागी हुन प्रचण्डसहितका नेता मंगलबारै जनकपुर गएका हुन्।
प्रशिक्षणसँगै आज एकीकृत समाजवादीसहितका विभिन्न वाम घटकहरूसँगको एकता समायोजन तथा शपथग्रहण कार्यक्रम हुने नेकपाले जनाएको छ।
तत्कालीन माओवादी केन्द्र, एकीकृत समाजवादीसहितका वाम घटकबिच गएको कात्तिकमै केन्द्रमा केन्द्रमा पार्टी एकता भए पनि मधेसमा अझै एकता भएको छैन।
कार्यक्रममा प्रदेशस्तरीय कमिटीका पदाधिकारी, जिल्ला नेतृत्व तथा पार्टीका जनवर्गीय संगठनका प्रतिनिधि सहभागी हुने नेता विश्वनाथ साहले जानकारी दिए।
कार्यक्रम सकेर बुधबार साँझ प्रचण्ड काठमाडौँ फर्किने कार्यक्रम छ।
यसैबीच प्रचण्डसहितका नेकपाका नेताले हिजो साँझ महोत्तरीको रामगोपालपुरमा पुगेर संविधानसभा सदस्य लालेन्द्र मण्डलका पिता बिन्देश्वर मण्डलप्रति श्रद्धाञ्जली अर्पण गरेका छन्।
मण्डलको गएको असार २९ गते ९२ वर्षको उमेरमा निधन भएको थियो।
प्रतिक्रिया