संविधानका कमीकमजोरी सच्याएर अघि बढ्न प्रचण्डको आह्वान

नेकपा माओवादी केन्द्रका अध्यक्ष पुष्पकमल दाहाल प्रचण्डले संविधानमा भएका कमीकमजोरी सच्याएर अघि बढ्नुपर्ने बताएका छन्।

शुक्रबार समाजवादी मोर्चाले काठमाडौँको भृकुटीमण्डपमा आयोजना गरेको विशाल सभालाई सम्बोधन गर्दै प्रचण्डले संविधानमा केही त्रुटि भएको स्वीकार गर्दै त्यसलाई सच्याउने दायित्व दलहरूकै भएको बताएका हुन्। 

‘अब संविधान संशोधन अगाडि संविधानको बारेमा सबै राजनीतिक शक्तिबीच बहस, छलफल र समीक्षा हुनुपर्‍यो कहाँ कमजोरी भयो’, उनले भने।