युनिकोड
नेपाली कांग्रेसका सभापति शेरबहादु देउवाले आफ्नो पार्टीबाट सरकारमा प्रतिनिधित्व गर्ने मन्त्री र संसदीय दल कार्यसमितिको बैठक बोलाएका छन्।
बैठक भोलि (बिहीबार) बिहान ८ बजे देउवानिवास बुढानीलकण्ठमा बस्नेगरी बोलाइएको प्रमुख सचेतक श्यामकुमार घिमिरेले जानकारी दिए। ‘मन्त्री र सांसदसँग छलफल गर्न सभापतिले बैठक बोलाउनु भएको छ,’ उनले भने, ‘धेरैपछि यस्तो बैठक बस्दैछौं।’
वर्तमान सरकारमा उपप्रधानसहित १० जना मन्त्री र २ राज्यमन्त्रीले नेपाली कांग्रेसको तर्फबाट रहेका छन्। उनीहरु बैठकमा उपस्थित हुनेछन्।
त्यस्तै नेपाली कांग्रेसका विधान अनुसार संसदीय दल कार्य समितिमा दलका नेता, उपनेता, राष्ट्रिसभा दलको नेता, प्रत्येक प्रदेशमा सांसदहरुमध्यबाट निर्वाचित एक–एक जनागरी ७ जना, सभापतिले समावेशी प्रतिनिधित्व हुनेगरी नियुक्त गर्ने १५ जना सदस्य रहन्छन्।
त्यस्तै पार्टीका महामन्त्री पदेन सदस्यका रुपमा बैठकमा उपस्थित हुनेछन्।
प्रतिक्रिया