कोरोना नियन्त्रण गर्न अमेरिकाको २१ करोड सहयोग

अमेरिकाले नेपाललाई कोरोना भाइरस (कोभिड–१९) नियन्त्रण तथा रोकथामका लागि २१ करोड १६ लाख रुपैयाँ (१८ लाख अमेरिकी डलर) सहयोग गरेको छ। काठमाडौंस्थित अमेरिकी दूतावासका अनुसार कोरोना रोकथामबारे समुदायलाई शिक्षित गर्न एवं कोरोनाविरुद्धको प्रतिकार्यलाई सशक्त बनाउन सो सहयोग प्रदान गरिएको हो।

‘रकम अमेरिकी अन्तर्राष्ट्रिय विकास नियोग (युएसएआईडी) को एक हिस्सा हो’, दूतावासको विज्ञप्तिमा भनिएको छ, ‘कूल रकममध्ये करिब १३ कोभिड–१९ को रोकथामबारे समुदायलाई शिक्षित बनाउन र उक्त भाइरससम्बन्धी गलत जानबारीविरुद्ध स्वास्थ्य कार्यक्रम सञ्चालन गर्न प्रयोग गरिनेछ।’

यसअघि अमेरिकाले स्वास्थ्य तथा जनसंख्या मन्त्रालयलाई व्यक्तिगत सुरक्षा उपकरण (पीपीई) सहयोग गरेको थियो। यो रकम सो सहयोग बाहेकको भएको दूतावसले जनाएको छ।