प्रतिनिधि सभाका नवनियुक्त सचिव हर्कराज राईले लिए शपथ

प्रतिनिधि सभाका नवनियुक्त सचिव हर्कराज राईले पद तथा गोपनियताको शपथ लिएका छन्। 

आज सिंहदरबारस्थित संसद सचिवालयमा प्रतिनिधि सभाका सभामुख देवराज घिमिरेले राईलाई पद तथा गोपनियताको शपथ गराएका हुन्। 
 
प्रतिनिधि सभाका सचिव सुरेश अधिकारीले राजीनामा दिएपछि सभामुख घिमिरेले राईलाई सचिव नियुक्तिको लागि सिफारिस गरेका थिए। 

घिमिरेको सिफारिसमा राष्ट्रपति रामचन्द्र पौडेलले उनलाई प्रतिनिधि सभाको सचिव नियुक्त गरेका हुन्।