युनिकोड
चितवन क्षेत्र नम्बर २ मा सत्ता गठबन्धनले प्रमुख जिल्ला अधिकारी सुरेन्द्र पौडेल राष्ट्रिय स्वतन्त्र पार्टीका उम्मेदवार रवि लामिछानेलाई जिताउन लागेको आरोप लगाएको छ।
गठबन्धनले मतगणनास्थलमा प्रजिअ पौडेल नआएको भन्दै आजको सर्वदलीय बैठक पनि नबस्ने जनाएको छ।
'प्रजिअको भूमिका ठिक भएन, उहाँ बैठकमा पनि आउनु भएको छैन। हामी दुई घण्टा कुर्दा पनि आउनु भएन', उम्मेदवार श्रेष्ठले भने, 'उहाँ कुनै एक उम्मेदवारलाई जिताउन लाग्नु भयो। उहाँको भूमिकामा प्रश्न उठेको छ, उहाँले यहाँ आएर जवाफ दिएमात्रै बैठक अघि बढ्छ।'
श्रेष्ठले प्रजिअले कसैलाई २ वटा गाडी गुडाउने अनुमति दिँदा रविलाई भने १० वटा पनि निर्वाध छाडिदिएको पनि बताए।
'हामीले दुईवटा पनि चलाउन पाएनौं, ठाउँ ठाउँमा चेकजाँच भयो, तर कसैलाई चाहिँ १० वटा?', रविप्रति लक्षित गर्दै उनले भने, 'यसमा पनि प्रजिअ मिलेको देखियो, उनी मतगणनास्थलमा आएपछि मात्रै अरू प्रक्रिया अघि बढ्छ।'
प्रतिक्रिया