युनिकोड
उपराष्ट्रपतिको चुनावमा मनोनयन गर्ने चारै जनाको उम्मेदवारी कायम रहेको निर्वाचन कार्यालयले जनाएको छ।
चैत ३ गते तय भएको चुनावमा शनिबार चार जनाको उम्मेदवारी दर्ता भएको थियो।
निर्वाचन अधिकृतको कार्यालयले उम्मेदवारको आइतबार ५ बजे प्रकाशित गरेको अन्तिम उम्मेदवारको सूचीमा जनता समाजवादी पार्टीका २ र जनमत पार्टी र नेकपा एमालेबाट १-१ जनाको उम्मेदवारी कायम रहेको जनाएको हो।
जसपाबाट रामसहायप्रसाद यादव, प्रमिला कुमारीको उम्मेदवारी कायम छ। यद्यपि जसपाको आधिकारिक उम्मेदवार यादव बनाउने ८ दलबीच समझदारी बनेको छ।
यस्तै एमालेबाट अष्टलक्ष्मी शाक्य (बोहरा) छन्। सत्ता गठबन्धनमै रहेको जनमत पार्टीले ममता झालाई उपराष्ट्रपति उम्मेदवार बनाएको छ।
प्रतिक्रिया