मोरङमा ३५० किलो गाँजासहित २ जना पक्राउ

मोरङमा करिब ३५० किलो गाँजासहित प्रहरीले २ जनालाई पक्राउ गरेको छ।

रंगेली नगरपालिका १ बवियाका मनोज राजवंशीको ग्वाली, कुखुराको खोर र परालको टाँलभित्र १५ बोरा गाँजा प्रहरीले फेला पारेको थियो। 

लागु औषध गाँजा लुकाइछिपाइ राखेको सूचनापछि पुगेको प्रहरीले४२ वर्षीय मनोज र गाँजा ओसार पसारमा संलग्न धनकुटा शहिदभूमि गाउँपालिका २ का २९ वर्षीय बेचन भन्ने हस्त राईलाई पक्राउ गरेको छ। 

हस्तले प्रयोग गर्ने प्र.न १–०२–०५० प २७९२ नम्बरको २२० पल्सर मोटरसाइकल प्रहरीले नियन्त्रणमा लिएको छ।