संसदमा राप्रपा-रास्वपा र लोसपा-एकीकृत समाजवादी एकै ठाउँ

नवनिर्वाचित प्रतिनिधिसभाका सदस्यहरुले पद तथा गोपनीयताको सपथ खाएका छन्। नयाँ बानेश्वरस्थित संघीय संसद भवनमा बिहीबार उनीहरुले पद तथा गोपनीयताको शपथ खाएका हुन्। 

नवनिर्वाचित सदस्यहरुलाई ज्येष्ठ सदस्य ७१ वर्षीय सांसद पशुपति शमेशर जबराले पद तथा गोपनीयताको शपथ गराएका छन्। शपथका क्रममा उनीहरुले नेपाली, संस्कृत, मैथिलीसहित विभिन्न १४ मातृभाषामा शपथ लिएका छन्।

सपथ ग्रहणका क्रममा संसद सचिवालयले नेकपा एकीकृत समाजवादी र लोकतान्त्रिक समाजवादी पार्टी (लोसपा) लाई एक ठाउँमा राखेको थियो। नेपाली कांग्रेस, नेकपा एमाले र नेकपा माओवादी केन्द्रलाई छुट्टाछुट्टै बसाइएको थियो।

राष्ट्रिय प्रजातन्त्र पार्टी (राप्रपा) र राष्ट्रिय स्वतन्त्र पार्टीलाई एक ठाउँमा राखेको संसद सचिवालयले जनता समाजवादी पार्टी (जसपा), नागरिक उन्मुक्ति पार्टी र जनमत पार्टीलाई एउटै स्थानमा राखेको थियो।