युनिकोड
राष्ट्रिय प्रजातन्त्र पार्टी नेपालका अध्यक्ष कमल थापाले सत्तामा पुग्न र टिकिरहन विदेशी शक्तिको आशिर्वाद खोज्ने प्रवृत्तिले मुलुक स्वाधिन बन्न नसक्ने बताएका छन्।
उनले विदेशी दबाब र प्रभावलाई अस्वीकार गर्न सक्ने नेतृत्व अहिले मुलुकले खोजिरहेको समेत बताएका छन्।
राप्रपा नेपाल केन्द्रीय पदाधिकारी, प्रदेश अध्यक्ष र जिल्ला अध्यक्षहरुको संयुक्त भर्चुअल बैठकलाई बुधबार सम्बोधन गर्दै थापाले राष्ट्रियताको सम्वर्द्धन , प्रजातन्त्रको सुदृढीकरण र आर्थिक समृद्धिको एजेन्डा बोक्ने दल र नेतालाई जनताले रोज्नु पर्ने बताए।
राजनीतिमा निष्ठा र इमानदारीता आवश्यक हुने चर्चा गर्दै उनले यसलाई फोहोरी बन्न नदिन जनताले चुनावमार्फत सही नेतृत्व छान्नु पर्ने समेत स्पष्ट पारे।
पछिल्लो समय मनी र मसल राजनीतिमा हावी भएकोमा उनले चिन्ता जनाए।
बैठकले देशभर भइरहेको चुनाव तयारीको समीक्षा गर्दै राप्रपा नेपाललाई विजयी बनाउन आवश्यक रणनीति र कार्ययोजना समेत तय गरेको पार्टीका महामन्त्री राजाराम बर्तौलाले बताए।
प्रतिक्रिया