युनिकोड
प्रमुख प्रतिपक्षी नेकपा एमालेका अध्यक्ष केपी शर्मा ओलीले चौँरीको पुच्छरजस्तो कांग्रेसको पुच्छर बनेर वामपन्थी हुन नसक्ने बताएका छन्।
राजधानीमा आयोजित ‘नेपालको भूराजनीतिक अवस्थाबारे’को छलफलमा भाग लिँदै ओलीले कोही वामपन्थी भए आउन आग्रह गरे।
‘नेपालमा वामपन्थी पार्टीहरू छन भने कांग्रेसका पछि नलाग्न, गठबन्धन तोड्न अनि एसपीपी नगर्न र वामपन्थी एकतामा आउन आग्रह गर्छु,’ ओलीले भने।
कम्युनिस्ट सरकार ढालेर कांग्रेसको सरकार बनाउन अदालतमा मुद्दा हाल्न गएको ओलीले सम्झाए।
‘चौँरीको पुच्छरजस्तो कांग्रेसको पुच्छर भएर वामपन्थी पार्टी हुन्छ?,’ ओलीले भने, ‘कम्युनिस्ट सरकार ढालेर कांग्रेसको नेतृत्वमा सरकार बनाउन भनेर अदालतमा मुद्दा हाल्न गएको होइन?’
कांग्रेस सभापति शेरबहादुर देउवाको नेतृत्वको गठबन्धनको रक्षा गरेर वामपन्थी हुन नसकिने ओलीले बताए।
‘शेरबहादुर देउवा नेतृत्वको गठबन्धनको रक्षा गरौँ अनि वामपन्थी? कोही वामपन्थी हुनुहुन्छ भने आउनुस्, गल्ती भइहाल्यो ल छाडि दिऊँ,’ ओलीले भने, ‘वामपन्थी हुनुहुन्छ भने आउनुस् एमालेसँग मिलेर कांग्रेस विरोधी होइन देश, लोकतन्त्र र कानुनी राजको पक्षमा उभिने सरकार बनाऊँ र अघि बढौं।’
प्रतिक्रिया