प्रदेश १ एमाले संसदीय दलको उपनेतामा अधिकारी, सचेतकमा कार्की

नेकपा एमाले प्रदेश १ को संसदीय दलको उप नेतामा यसोदा अधिकारी चयन भएकी छन्। एमाले ससदीय दलले प्रदेश सभा सचिवालयमा पत्र पठाँउदै उपनेतामा अधिकारीलाई नियुक्त गरिएको जानकारी गराएको छ। यसअघि एमाले संसदीय दलको उपनेता टंक आवुहांग थिए। नेकपा हुँदा माओवादीबाट एमालेमा गएका टंकलाई माओवादीले कारबाही गरेपछि सो पद खाली रहेको थियो। 
यसैगरी संसदीय दलको सचेतकमा विमल कार्की नियुक्त भएका छन्। यसअघि राजकुमार ओझा सचेतक थिए। भीम आचार्य नेतृत्वको सरकारमा ओझा राज्यमन्त्री भएपछि सो पद रिक्त थियो। 
यसअघि प्रदेशसभाको सबैभन्दा ठूलो दल भए पनि एमालेले दलको रिक्त रहेका पदाधिकारीहरू नियुक्त गरेको प्रमुख सचेतक बुद्धिराज राज भण्डारीले जानकारी दिए।