युनिकोड
प्रधानमन्त्री एवम् नेपाली कांग्रेसका सभापति शेरबहादुर देउवाका सहोदर भाइ कञ्चनपुरबाट महाधिवेशन प्रतिनिधिमा निर्वाचित भएका छन्।
प्रधानमन्त्री देउवाका साइँला भाइ लोगबहादुर देउवा कञ्चनपुर निर्वाचन क्षेत्र नम्बर २ बाट महाधिवेशन प्रतिनिधिमा विजयी भएका हुन्।
खुलातर्फ महाधिवेशन प्रतिनिधिका उम्मेदवार बनेका देउवाले ३ सय ४ मत पाएका छन्। आफ्नो समूहबाट उनी बढी मत ल्याउनेमध्ये पाँचौमा रहेका छन्।
उनी प्रधानमन्त्रीका प्रमुख स्वकीय सचिव भानु देउवाका बुवा हुन्। क्षेत्र नम्बर २ मा ५ सय ८ मध्ये ५ सय ४ मत खसेको थियो। जसमध्ये दुई मत बदर भएका छन्।
कञ्चनपुर–२ बाट खुलातर्फ देउवासँगै संविधानसभा सदस्य बहादुरसिंह थापा, चिन्तामणि भट्ट, हेमराज ओझा, दलबहादुर बोहरा, पुस्करराज ओझा, दुर्गाप्रसाद भट्ट, मीनबहादुर सिंह, उद्धव बोहरा र टीका बैज महाधिवेशन प्रतिनिधिमा निर्वाचित भएका छन्।
प्रतिक्रिया