युनिकोड
भोलि (आइतबार) हुने प्रतिनिधिसभा र प्रदेशसभा निर्वाचनका लागि सम्पूर्ण तयारी पूरा भएको निर्वाचन आयोगले जनाएको छ।
निर्वाचनका लागि देशभरका मतदान केन्द्रहरू निर्माणको काम पनि सकिसकेको छ। निर्वाचनका लागि खटिएका कर्मचारी, सुरक्षाकर्मी, उम्मेदवार तथा मतदाताहरू आफ्नो आफ्नो निर्वाचन केन्द्रमा पुगिसकेका छन्।
प्रमुख निर्वाचन आयुक्त दिनेशकुमार थपलियाले स्वच्छ, स्वतन्त्र, निष्पक्ष र भयरहीत वातावरणमा निर्वाचन सम्पन्न गराउन आवश्यक पर्ने निर्वाचन सञ्चालन तथा व्यवस्थापन सम्बन्धी सम्पूर्ण तयारी पूरा भइसकेको बताए।
मंसिर ४ गते संघीय संसद र प्रदेशसभा गरी जम्मा ८२५ जना जनप्रतिनिधि छानिँदैछन्। जसअनुसार प्रत्यक्ष निर्वाचन प्रणालीबाट प्रतिनिधिसभातर्फ १६५ र प्रदेशसभातर्फ ३३० जनप्रतिनिधि चुनिँदै छन्।
अर्कातिर मतदाताले प्रतिनिधिसभातर्फ ११० र प्रदेशसभातर्फ २२० जनप्रतिनिधि समानुपातिक निर्वाचन प्रणालीबाट छान्दैछन्।
राष्ट्रिय समाचार समितिले विभिन्न जिल्लाबाट संकलन गरेको मतदान केन्द्र तयारीका केही तस्बिरहरुः
प्रतिक्रिया