कालापानी कटेर त्यता आउन नपरोस्
पुर्खाले राखेको खुकुरी उदाउन नपरोस् ।
बहादुर गोर्खाली हौँ हामी झुक्दैनौँ कहिल्यै
बरु आफ्नै गर्धन किन छिनाउन नपरोस् !
कसैको अधीनमा बसेनौँ, इतिहास साँछी छ
आज फेरि यही कुरा सम्झाउन नपरोस् ।
पुर्खाले पानी नपिई लडेर स्वाभीमान बचाए
उन्कै सन्तानले त्यही रुप देखाउन नपरोस्।
इमानदार भई फिर्ता गर लुटेको जमिनलाई
होइन भने विश्वको सामू नंग्याउन नपरोस् ।
. 
युनिकोड
प्रतिक्रिया