युनिकोड
मधेस प्रदेशका नवनियुक्त मुख्यमन्त्री कृष्णप्रसाद यादवले यसअघिका मुख्यमन्त्री सरोज यादवको सरकारले गरेका सबै निर्णय खारेज गर्ने निर्णय गरेका छन्।
आइतबार बसेको मन्त्रिपरिषद् बैठकले यसअघिको सरकारले गरेका सबै निर्णय बदर गर्ने निर्णय गरेको हो। ‘मिति २०८२/०७/२३ देखि २०८२/०८/१७ गतेसम्मको अवधिमा बसेका मन्त्रिपरिषद् बैठकहरुबाट भएका सम्पूर्ण सरुवा, काज, जिम्मेवारी हेरफेर र थप जिम्मेवारी तोक्ने लगायतका सरुवार काजसंग सम्बन्धित निर्णयहरू बंदर गर्ने तथा मिति २०८२/०७/२३ मा गठित मन्त्रिपरिषद्को कार्यकालमा मुख्यमन्त्री तथा मन्त्रिपरिषद्को कार्यालय र विभिन्न मन्त्रालयहरूबाट भएका कर्मचारीहरूको सरुवा, काज, जिम्मेवारी हेरफेर र थप जिम्मेवारी तोक्ने लगायतका सरुवा/काजसंग सम्बन्धित सम्पूर्ण निर्णयहरू बदर गर्ने,’ निर्णयमा भनिएको छ।
एमालेबाट मुख्यमन्त्री बनेका सरोज यादवले प्रदेश सभामा विश्वासको मत नपाएपछि राजीनाममा दिएका थिए।
प्रतिक्रिया