युनिकोड
आगामी आर्थिक वर्ष २०८३/८४ का लागि मधेस प्रदेश सरकारले ल्याएको नीति तथा कार्यक्रम प्रदेशसभाबाट सर्वसम्मतले पारित भएको छ।
बिहीबार सम्पन्न प्रदेशसभा बैठकमा नीति तथा कार्यक्रममाथि सांसदहरूले राखेको संशोधन प्रस्तावपछि सभामुख रामआशिष यादवले निर्णयार्थ प्रस्ताव प्रस्तुत गरेका थिए।
प्रस्तावको विपक्षमा कुनै मत नआएपछि नीति तथा कार्यक्रम सर्वसम्मत रूपले पारित भएको घोषणा गरेका थिए।
दलहरूबीच सहमति बनेपछि उक्त नीति तथा कार्यक्रममाथि संशोधन प्रस्ताव छलफल पश्चात मुख्यमन्त्रीले सबै कुरा समावेश गर्ने सहमतिपछि प्रक्रिया अघि बढाइएको थियो।
छलफलका क्रममा विभिन्न सांसदहरूले संशोधन प्रस्ताव पेस गरेका थिए। तीमध्ये सत्तारूढ नेकपा एमालेका सांसद राजकुमार लेखीले दर्ता गराएको संशोधन प्रस्ताव स्वीकृत भएको छ भने अन्य सबै संशोधन प्रस्ताव अस्वीकार भएको छ।
अब शुक्रबार बस्ने प्रदेश सभाको बैठकमा आगामी बजेट तयारीका लागि आवश्यक विनियोजन विधेयकका प्राथमिकता र सिद्धान्तमाथि छलफल हुने बताइएको छ।
प्रतिक्रिया