एनपीएल उपाधि जनकपुरले जितेपछि मधेस प्रदेशमा हर्षोल्लास

नेपाल प्रिमियर लिग (एनपीएल)को उपाधि जनकपुर बोल्ट्सले जितेपछि मधेसमा हर्षोल्लास देखिएको छ।

मधेस प्रदेशको राजधानी जनकपुरधाम लगायत मधेसका विभिन्न सहरमा समर्थकहरू नाचगान र आतसबाजी गरेका छन्। सडक, चोक र गल्लीमा भेला भएर खुसी साटासाट गरिरहेका छन्।

शनिबार भएको फाइनल खेलमा सुदूरपश्चिम रोयल्सलाई ५ विकेटले हराउँदै जनकपुरले उपाधि जितेको हो। योसँगै समूह चरण र पहिलो क्वालिफायरमा व्यहोरेको हारको पनि जनकपुर बदला लिन सफल भएको छ। 

भिडिओ:

लिग चरणमा जनकपुर ७२ रनले र पहिलो क्वालिफायरमा ८ विकेटले सुदूरपश्चिमसँगको खेल गुमाएको थियो।