युनिकोड
जनकपुरधामको रामस्वरूप रामसागर बहुमुखी (राराब) क्याम्पसको स्ववियु सभापतिमा नेपाल विद्यार्थी संघ (नेविसंघ) का उम्मेदवार मनिषकुमार यादव निर्वाचित भएका छन्।
यादवले १ हजार १ सय ४७ मत ल्याएर सभापतिमा निर्वाचित भएका हुन्। उनका निकटतम प्रतिद्वन्द्वी लोकतान्त्रिक विद्यार्थी संघका उम्मेदवार प्रशान्त झाले ७ सय १५ मत प्राप्त गरे।
त्यस्तै, पाँचदलीय गठबन्धनका उम्मेदवार गौतम कुमार यादवले १ सय १८ मत मात्रै ल्याउन सके।
राराब क्याम्पसमा ७ हजार २ सय १५ विद्यार्थी मतदाता रहेकोमा २ हजार ६ सय ६२ जनाले मात्रै मतदान गरेका थिए।
राराब क्याम्पसमा २१ सदस्यीय स्ववियु कार्यसमितिका लागि सभापतिमा ६ जनासहित कुल ८८ जनाले उम्मेदवारी दिएका थिए।
राराबको स्ववियु कार्यसमितिमा ११ जना प्रत्यक्षबाट र १० जना समानुपातिकबाट निर्वाचित भएर चुनिएका छन्।
प्रतिक्रिया