युनिकोड
मधेश प्रदेश सरकारमा नेपाली कांग्रेसबाट सामेल मन्त्रीहरूलाई पदमुक्त गरिएको छ।
मुख्यमन्त्री लालबाबु राउतले सरकारमा रहेका कांग्रेसका ३ जना मन्त्रीलाई पदमुक्त गरेका हुन्।
कांग्रेसबाट सरकारमा सामेल भौतिक पूर्वाधार तथा विकासमन्त्री रामसरोज यादव, खानेपानी तथा उर्जा विकासमन्त्री ओमप्रकाश शर्मा र महिला बालबालिका युवा तथा खेलकुदमन्त्री वीरेन्द्र सिंहलाई पदमुक्त गरिएको हो।
कांग्रेसबाट सरकारमा सामेल मन्त्रीहरुलाई पदमुक्त गरिएपनि सत्ता गठबन्धनकै माओवादी केन्द्र र नेकपा एकीकृत समाजवादी पार्टीका मन्त्रीहरुलाई भने मुख्यमन्त्री राउतले पदमुक्त गरेका छैनन्।
यसअघि बिहीबार साँझ मुख्यमन्त्री राउतले कांग्रेसी मन्त्रीहरुलाई फोन गरेर राजीनामा दिन भनेका थिए।
उनीहरुले राजीनामा नदिएपछि मुख्यमन्त्री राउतले पदमुक्त गर्नका लागि प्रदेश प्रमुख समक्ष सिफारिस गरेका थिए।
प्रतिक्रिया